Юлія Віктараўна Герасім - пераможца раённага этапу конкурсу “Настаўнік года Рэспублікі Беларусь – 2020”.
30.01.2020 у Астраўцы прайшоў фінал раённага этапу рэспубліканскага конкурсу прафесійнага майстэрства педагагічных работнікаў “Настаўнік года Рэспублікі Беларусь – 2020”.
Конкурс "Настаўнік года" — гэта дэманстрацыя свайго прафесійнага майстэрства, творчасці, ініцыятывы, абаяння, камунікабельнасці, усіх тых ведаў, уменняў, якія набыў настаўнік падчас сваёй работы. За званне пераможцаў у розных намінацыях змагаліся 11 педагогаў. Яны прайшлі шэраг этапаў, а цяпер сустрэліся ў фінале, каб творча расказаць пра педагагічную дзейнасць. Настаўнік музыкі нашай установы Юлія Віктараўна Герасім, самая маладая з усіх канкурсантаў, годна прадставіла сістэму сваёй педагагічнай дзейнасці і стала абсалютнай пераможцай у намінацыі "Музыка, выяўленчае мастацтва, мастацтва, працоўнае навучанне, чарчэнне, фізічная культура і здароўе". Жадаем Юліі Віктараўне поспехаў на абласным этапе!
