Мэтай стварэння кампаніі з’яўляецца не толькі атрыманне прыбытку, але і даць магчымасць навучэнцам атрымаць у ходзе адукацыйнага працэсу практычны вопыт у галіне арганізацыі фінансава-гаспадарчай дзейнасці, на прыкладзе дзеючай мадэлі малога вытворчага прадпрыемства.
Атрыманыя веды і навыкі дапамогуць выпускнікам школы, у выпадку такой неабходнасці, упэўнена пачаць у наступстве арганізацыю ўласнай справы на ўзроўні індывідуальнага прадпрымальніка без дадатковай падрыхтоўкі. А ў выпадку працягу навучання ў сярэдніх-спецыяльных або вышэйшых навучальных установах па спецыяльнасцях, звязаных з мэнэджмэнтам, маркетынгам, бізнес-адміністраваннем і т.п., навучэнцы, якія прайшлі падрыхтоўку ў школьнай бізнес-кампаніі, з поспехам прыменяць атрыманыя веды ў ходзе вучэбнага працэсу ўжо на больш высокім узроўні кампетэнтнасці.
|
Установе трэба грошы. Грошы ёсць – і мы харошы. Калі грошай тых няма Караул крычым, бяда. Зараз будзем прадстаўляць, Як іх будзем зарабляць. А каб грошы зарабіць Майстрам добрым трэба быць. Па-гаспадарску ўсё злічыць, Дзе сродкі, матэрыял здабыць І як фінансы разлічыць. Мы вельмі актыўныя і крэатыўныя. Зможам зладзіць мы канцэрт на любое свята. Ведайце, у школе ў нас талентаў багата. Гудагайскі наш музей – Мноства памятных падзей. Пра гісторыю раскажам І спектакль вам пакажам. Дружна вырасцім расаду- Усе купляць у нас будуць рады. Кветкі нашы і капуста Хай растуць на градках густа. Прыгажосць цяпер у модзе Каля хаты, у агародзе. На заказ мы зробім хатку. Сцены выгаблюем гладка. Побач млын і грыб пасадзім – Будзе прыгажосць у садзе. З раніцы не снедайце- Наш кірмаш наведайце. Не знойдзеце другога кірмашу такога. Тут усё можна знайсці, смакаты адведаць. Прапануем Вам таксама ў нас пачаставацца. Перад справаю сур’ёзнай сілы паднабрацца. Мы чакаем вас да нас – Будзем афармляць заказ! А рэкламу – усё, што робім, – Знойдзеце на сайце ў нас. |
|
Наши руки - не для скуки!
