"Дазор" - сярод лепшых атрадаў "Юных сяброў пагранічкаў"
15 мая вучні ваенна-патрыятычнага класа ў колькасці 8 чалавек прынялі ўдзел у аглядзе-конкурсе на лепшы атрад «Юных сяброў пагранічнікаў», які прайшоў на базе вайсковай часці 2044 горада Смаргоні.
Сапернікамі гудагайскіх школьнікаў былі навучэнцы з устаноў адукацыі раёна «Вучэбна-педагагічны комплекс Варнянскі яслі-сад-сярэдняя школа», "Вучэбна-педагагічны комплекс Кемелішкоўскі яслі-сад- сярэдняя школа" і юныя пагранічнікі з СШ №4 г.Паставы. Удзельнікам неабходна было пераадолець нямала выпрабаванняў: ваенізіраваная эстафета, спаборніцтвы па валейболе і стральбе, конкурс на лепшы баявы лісток і віктарына, прысвечаная станаўленню і развіццю пагранічных войскаў, органаў памежнай службы Рэспублікі Беларусь. На кожным этапе рабяты атрымоўвалі балы. Штодзённыя трэніроўкі, жаданне і падтрымка адзін аднаго - усё гэта прывяло да выніковага ІІІ месца! Віншуем і жадаем новых перамог з выніковым першым месцам! Падрыхтавацца да перамогі дапамагалі Барташэвіч Эдуард Юзэфавіч, начальнік рэзервнай заставы пагранічнай камендатуры “Гудагай”, Бугай Аляксандр Валер’янавіч, ваенаслужачыя кантрактнай службы, педагог-арганізатар Марына Генрыхаўна Шаблоўская, музычны кіраўнік Юлія Віктараўна Герасім.
