Агляд-конкурс “Трыумф”
З мэтай павышэння матывацыі навучэнцаў да вывучэння замежных моў 13 красавіка ў гімназіі №1 г.Астраўца адбыўся раённы агляд-конкурс аматарскіх тэатраў на замежнай мове “Трыумф”.
У конкурсе прынялі ўдзел 6 тэатральных калектываў раёна, сярод якіх прысутнічаў калектыў Гудагайскай сярэдняй школы “School on the stage” пад кіраўніцтвам настаўнікаў замежнай мовы Кандратовіч Ганны Іосіфаўны і Куляша Валерыя Вячаслававіча. У гэтым годзе калектыў, які складаўся з навучэнцаў 4”А” класа, прапанаваў гледачам тэатральную пастаноўку “Beauty and the Beast”. Нягледзячы на тое, што наш тэатральны калектыў быў наймалодшы сярод ўдзельнікаў, навучэнцы прадэманстравалі не толькі добрае валоданне англійскай мовай, але і сталае выканаўчае майстэрства. Кампетэнтнае журы адзначыла выступленне калектыву дыпломам ІІІ ступені і каштоўным падарункам. А выканаўца адной з галоўных ролей, Станкевіч Мацвей, стаў пераможцам у намінацыі “Лепшы дэбют”. Дзякуем навучэнцам за выступленне і спадзяёмся, што ўдзел у конкурсе паспрыяў развіццю іх творчых здольнасцей. З нецярпеннем будзем чакаць новых пастановак ад тэатральнага калектыву нашай школы ў наступным навучальным годзе.
