Конкурс лідараў “СуперТройка”
Актывісты піянерскай дружыны імя А.Кашавога спаборнічалі ў раённым этапе рэспубліканскага конкурсу “СуперТройка”.
Конкурс прайшоў пад знакам трох юбілейных дат, якія сёлета будзе святкаваць наша краіна і раён: выступленні ўдзельнікі прымеркавалі да 75-годдзя з дня вызвалення Беларусі і Астраўца ад нямецка-фашысцкіх захопнікаў і ўтварэння Гродзенскай вобласці.
За пуцёўку ў паўфінал спаборнічалі трыа ў складзе важаты-піянер-акцябронак з шасці піянерскіх дружын. Ад нашай школы выступалі Валерыя Шлыковіч, Яна Алёкса і Марына Генрыхаўна Шаблоўская.
Удзельнікі дадалі ў скарбонку перамог Дыплом 3 ступені.
Пераможцы “СуперТройкі” ўзнагароджаны дыпломамі аддзела адукацыі і падарункамі РА РГА “Белая Русь”.
- Мне было прыемна правесці час разам з вамі, паслухаць і паглядзець на вашу грамадскую работу, - падводзячы вынікі конкурсу, звярнулася да лідараў адна з членаў журы, старшыня раённай арганізацыі “Белая Русь”, Ірына Фёдараўна Раткевіч. - Вы шмат робіце карысных спраў, у вас столькі цікавых ідэй! За вамі будучае нашай краіны, і па ўсім бачна, што ў нас расце добрая змена.
