Дзень Канстытуцыі
15 сакавіка вучні нашай школы ўдзельнічалі ў святочным мерапрыемстве, прысвечаным Дню Канстытуцыі, якое праходзіла ў раённым выканаўчым камітэце.
Ганаровая місія атрымаць пашпарт і памятныя падарункі ў рамках акцыі “Мы – грамадзяне Рэспублікі Беларусь” выпала Валэйка Вікторыі з 8 “Б” класа і Ярашэвічу Аляксандру, вучню 8 “А” класа.
З дзяржаўным святам моладзь Астравеччыны павіншавалі намеснік старшыні райвыканкама Віктар Свіла, старшыня раённага Савета дэпутатаў Ірына Тальчук, пракурор Астравецкага раёна Аляксей Тамчанок, начальнік РАУС Дзмітрый Місюк.
– Ад імя ўсіх рабят, якія атрымалі пашпарт, дзякую за высокі давер, аказаны нам у гэты святочны дзень. Мы разумеем, што ад нашага пакалення залежыць будучыня нашай краіны, таму абяцаем сваёй працай, вучобай і ўчынкамі праслаўляць родны край, умацоўваць яго аўтарытэт і помніць пра тых, хто аддаў сваё жыццё за нашу свабоду і незалежнасць, – падзякавала гасцей мерапрыемства Вікторыя Валэйка.
Акрамя таго дзесяць актывістаў нашай школы папоўнілі рады раённай арганізацыі БРСМ – з важнай падзеяй іх павіншавала першы сакратар райкама Віялета Аляксеявец.
