“Жыццё ставіць мэты навуцы, навука асвятляе шлях жыццю”.
У канцы 1993 года ў Рэспубліцы Беларусь было афіцыйна ўсталявана свята пад назвай «Дзень беларускай навукі», які штогод адзначаецца ў апошнюю нядзелю студзеня.
Навука Беларусі мае глыбокія гістарычныя вытокі. Першыя навуковыя ўяўленні адносяцца да VII-VIII стст., калі ў плямёнаў, якія засялялі тэрыторыю нашай краіны, пачалося вылучэнне рамёстваў: ліцейнага, кавальскага, ганчарнага, ткацкага. Развіццю навукі, таксама пісьменства, літаратуры і культуры, спрыяла распаўсюджванне хрысціянства (X-XII стст.). У кляштарах і храмах ствараліся бібліятэкі, вяліся летапісы, перапісваліся кнігі. Яркімі прадстаўнікамі асветы таго часу з'яўляліся Е.Полацкая і К.Тураўскі.
Аб гісторыі ўзнікнення навукі, яе развіцці, аб дасягненнях сучаснай беларускай навукі ў медыцыне, фізіцы, фармакалогіі, геаграфіі, эканомікі, машынабудавання, хіміі даведаліся вучні нашай школы падчас вуснага часопіса “Навуковыя дасягненні беларусаў – уклад у развіццё краіны”
Сёння поспехі і дасягненні беларускіх вучоных у розных галінах навукі прызнаны ва ўсім свеце. І будем спадзявацца, што сярод імён навукоўцаў з’явяцца і імёны нашых вучняў.
