Шукальнікі прыгод развіталіся з "Лясной казкай"
Лета – гэта свайго роду мосцік паміж канцом навучальнага года і пачаткам новага. У навучэнцаў ДУА "Гудагайскай сярэдняя школа" Астравецкага раёна Гродзенскай вобласці існуе выдатная магчымасць “перайсці гэты мосцік” адпачываючы ў прышкольным лагеры "Лясная казка". 20 дзетак 6-10 гадовага ўзросту з карысцю для свайго здароўя праводзілі летнія канікулы. Уся выхаваўчая работа ў прышкольным лагеры “Лясная казка” была накіравана на рэалізацыю забаўляльна-пазнавальнай праграмы “18 цікавых сцяжынак”.
|
У аснове сюжэта змены “18 цікавых сцяжынак” ляжалі спаборніцтвы за схаваныя на тэрыторыі лагера скарбы. Кожны дзень рабяты заваёўвалі фрагменты карты. У сваім імкненні атрымаць новы фрагмент карты дзеці перамяшчаліся па тэматычных сцяжынках, новы дзень - новая сцяжынка. Менавіта таму і назву атрада рабяты выбралі “Шукальнікі прыгод”. На працягу ўсёй змены дзеці былі ўцягнутыя ў калейдаскоп розных падзей. Кожны наступны дзень быў непадобны на папярэдні і напоўнены яркімім ўражаннямі, зносінамі і сустрэчамі з цікавымі людзьмі. |
 |
 |
Для кожнага дзіцяці лагер адрыўся сваёй гранню: хтосьці знайшоў новых сяброў, а хтосьці адкрыў у сабе новыя творчыя здольнасці. Вялікая ўвага надавалася не толькі прапагандзе культуры і здаровага ладу жыцця, але і вывучэнню правілаў дарожнага руху, пажарнай бяспекі, барацьбе з наркаманіяй. Праводзіліся акцыі “Лета-на здароўе”, “Школа бяспечных паводзін”, “Жыццё без шкодных звычак”, а тасама гутаркі накіраваныя на псіхалагічную падтрымку дзіцяці “Я і свет вакол мяне”, “Мой настрой”, гульні на згуртаванне і праяўленне яркіх індывідуальных якасцей “Снежны ком”, “Калейдаскоп імён”, “Паменяйцеся месцамі”, “Адкрыем сэрцы адзін аднаму”, “Блінчыкі”, “Мячы і лікі”, “Перадай прадмет”. |
|
Умацоўваць здароўе нельга без спорту. Нашы дзеці прымалі актыўны ўдзел у спартыўна-забаўляльных мерапрыемствах, такіх як “Вясёлыя старты”, “Аранжавы мяч”, “Падарожжа ў краіну здароўя”, “Чэмпіён”. Наведвалі басейн. Штодня праводзілася зарадка і танцавальныя размінкі на свежым паветры. Адпачынак дзяцей быў насычаны цікавымі экскурсіямі. Штодзённа яны вандравалі па роднай старонцы. Наведалі конна-спартыўны комплекс “ГІППІКА”, ў якім выпала магчымасць пакатацца на конях. Пабывалі ў РАЧС г. Астраўца, у АСВОДзе. Яркія ўражанні засталіся ў дзяцей пасля экскурсіі “Гісторыя застыўшая ў камяні” у в. Варняны і в. Гервяты. Прыгожая архітэктура касцёла Святой Тройцы ў в. Гервяты выклікала ў дзяцей шмат эмоцый. |
 |
 |
Наперабой рабяты дзяліліся ўражаннямі і пасля наведвання воінскай часці 20/44 у в. Гавуці Смаргонскага р-на, у якой была прадэманстравана трэніроўка сабак. Рабяты ярка праявілі сябе ў творчасці. |
|
Праца прышкольных лагераў немагчыма без зладжанай і добра арганізаванай працы ўсіх структур і падраздзяленняў. У сувязі з гэтым, мы дзякуем калектыву настаўнікаў, якія прымалі ўдзел у рабоце прышкольнага лагера. Спадзяёмся, што дні, праведзеныя ў “Лясной казцы”, надоўга запомняцца дзецям і застануцца напоўненымі незабыўнымі ўражаннямі, карыснымі справамі і прыемнымі ўспамінамі. |
 |
