1 верасня
У нашай краіне штогод 1 верасня адзначаецца свята Дзень ведаў. Сваю назву ён атрымаў дзякуючы таму, што з'яўляецца першым днём восені, калі пачынаецца новы навучальны год ва ўсіх беларускіх школах.
Звініць званок, рассыпаў смех наўкола -
Ён сумаваў без нас у вольны час.
Дзень добры, верасень!
Дзень добры, школа!
Дзень добры, наш утульны, светлы клас.
М. Чарняўскі
Дзень ведаў - гэта свята для ўсіх навучэнцаў, іх бацькоў і настаўнікаў, а таксама ўсіх тых людзей, якія хоць неяк звязаны з абслугоўваннем школьнікаў.
Пачатак новага навучальнага года абвясціў школьны званок.
Класны кіраўнік 4 класа, Бараноўская Вольга Іванаўна, запрасіла вучняў на ўрок ведаў "Я вырас тут, і край мне гэты дарагі", дзе гаворка ішла пра прыгажосць нашай Радзімы, пра знакамітых людзей нашага краю, пра таленавітасць беларуска народа.
